Ek Pakistani Kuttey ki Faryad (urdu)

Farzi kahani In urdu

Ek roz mein tanha ek sarak ke kinarey betha tha, thorey fasley par ek kutta khamosh betha mujhe dekh raha tha. Mein bhi khamoshi se betha us ko ghaur se dekhne laga, dil me ek ajeeb si chahat hui ke kaash ke mein is ki bheegi hui ankhon aur larkharate pairon ki wajha jaan sakun. Kuch yun hi bethne ke baad hum dono ki nazrein ek bar phir chaar huin. Us ne apni dukh bhair nighahon se mujhe dekha aur munh lakta kar betha raha. Mere dil mein ubharti khwahish ne ek baar phir angarai li aur mein ne isharey se usey apne pas bulaya.

Thori der intezar karney ke bad who kutta bhi mere pas akar beth gaya. Mein ne soch is se bat kar ke dekhtey hain. Mein ne poocha itne udaas kion ho kia bat hai? Us ne jawab dia aur is jawab ne mujhe hairan kar dia. Kehta hai mein kutton ka sardaar hun aur buhut saalon se kisi insaan ki talaash  mein tha jo meri baat samajh sakey. Mujhe Khuda ne aisa banaya hai ke mein kachrey mein apna rizq dhoondta hun, har jagah munh martahun har kisi par bhonkta hun, aur har cheez kha leta hun magar tum to insaan ho! Tumhein to ashraful maqlooqat ka darja mila hai phir tum log mujhe itna kion zaleel kartey ho? Kabhi mujhe Imran khan se kabhi Nawaz Sharif se mila dete ho kabhi Zardari se,kabhi Narendar Modi se, Kabhi America se kabhi tony blair se kabhi david Cameron se kabhi Taliban se kabhi kisi general se tashbeeh dete ho kabhi kisi aur siasatdan ya phir kisi munsif se. Akhir mera kia qusoor hai?

Mujhe jo banaya who khuda ki marzi magar meri sari khslatein tum logon ne kion apna li hain. Jab kabhi mein news channel dekhta hun to mujhe apney qabeeley par naaz hota hai ke aj bhi hum tum logon se behter tareeqey se rehte hain. Mujhe dekh kar kahuf bhi khatey ho phir pathar bhi martey ho aur yehi kuch tum apney mulk ke hukmaranon ke saath bhi kartey ho. Khuday ke wastey hum mein aur un mein kuch to farq rakho! Hum ek izzatdar nasal ke jaanwar hain aur buhut achey kaam bhi karetey hain magar tum log to hum se bhi baazi le gaye. Qareeb adhey ghantey tak who mujhe baaraha kehta raha ke kis tarha se woh aur us ke qabeeley waley sharamsaar hain. Phir us ne ek aur bat kahi jis ne mujhe jhinjoor dia, kehta hai ab hamarey darmiyan ek nayi gaali ne janam kia hai jo bhi hud se guzarta hai hum ab usey siasatdaan kehtey hain to who sharminda ho kar sudhar jata hai. Us ne tamaam insaanon se appeal ki hai ke who insaan rahein aur unhein kutta rehne dein warna ek waqt aye ga ke tafreeq namumkin ho jaye gi.

Is qaleel mukalmey ne meri ankhein khol dein aur sochney par majboor kar dia ke akhir kion hum aur hamarey chunney huey numaindey ya hum par musallat hukmaran is nehj par puhnch gaye hain kea b kutton ko bhi hum se mansoob hotey sharam ati hai. Akhir hum insaanon ne apney ap ko kia bana lia hai kea j kuttey hum se mansub honey par ehtejaaj kar rahey hain!!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s