“Shayad Ke Woh Ajain….. Darwaza Khula Rakho” (Urdu)

Ek barey businessman ko ek tawaif se muhabbat ho gayi!, Uske naaz uthaney ke liye us ne apna sab kuch lutana shuru kardia. Din raat subha sham who us ke khayalon mein rehta aur deehrey dheerey us ka sab kuch bik gaya. Us ka jurm us aurat se muhabbat nahi tha, us ka qusoor yeh tha ke us ne us aurat par aitabaar kia, shayad is umeed par ke who us se wafa kareygi magar us ne us ki khaslat pehchanney mein ghalti ki. Yehi haal is awaam ka hai. Aj is mulk ki awaam yeh kehne par majboor hai khudara humein jeeney do! Hamari halat us gali ke awara kuttey ki kardi hai jisey naa maut ati hai na who chain se jee sakta hai. Jahan jao wahan bhaireye munh kholey bethe rehtey hain jase awam na hui koi martey hua janwar ho gaya jis ne mauqa dekha gidh (vulture) ki tarha noch kar kha lia. Jaise hamarey hukmaran aur rahi sahi kasar siasi keeron ne puri kardi jo hamara khoon choostey hain.  Kuch hazar tax chor industrialist mulk ka adhey se ziada khasara barha dete hain aur apni jaibon mein paise bhar ke apney ghar bhar lete hain. Chori ke paise se zakat de kar samajhtey hain hum ne apna maal paak karlia hai. Jab poocho to kehtey hain tax chori hamara haq aur rishwat dena hamari majboori hai. Magar afsos hamarey bikey huey siasatdaan, bureaucrats aur sahibaan e iqtedaar ne yeh tahaya kar rakha hai ke who hum se jeeney ka haq bhi cheen leingey. Rehi sahi kasar atey jaatey ya mulk ke wafadar tareen mulk se jila watan siyasi rehnuma aur kiraye ke hukmaran puri kardete hain. Ramzan ka mahina qareeb hai aur is mein shaitaan qiad kardiye jaatey hain magar agar hum ghaur karein to humein hamarey andar chupa hua shaaitan hamesha qaboo kiye rehta hai. Hukumat ke wohi shah kharch aur is sarzameen ki rahdaron ki fitrat jis ne jab chaha kiraye par istemaal kia aur laat mar kar chaley gaye. Karoron dollars ki jaidaad mulk se bahir rakhney waley aur ek ayan ali ko bachaney ke liye naa jaaney kitne qatl. Magar awaam bichairi karey bhi to kia jo leader ata hai kuttey ki tarha dum daba ke haddi chaba kar bhag jata hai. Sarkon par nikley to leader bhag gaye, dharna diya to leader bhag gaye, ehtejaaj kia to leader bhag gaye akhir hum in bhagoron ko kion bardasht katey hain aur kia yehi kuttey ki tarha dum daba kar bhag janey waley hi hamari taqdeer mein likhey hain. Jo jitna bara chor who utna bara auhdey daar, aam admi se to bheek ka katora bhi cheen lengey. Haqeeqat yeh hai key eh hukmaran bhi tawaif ki tarha hain unki khaslat mein wafa nahi aur awam baar baar unhi logon per bharosa karti hai aur phir bheek mangney ki naubat ajati hai. Mujhe bhi inqalaab ki umeed thi, “shayad ke who ajain darwaza khula rakho” magar afsos inqalaabi bhi awam ke haq mein wohi tawaif nikley.  Ab mein sochta hun keh meri zindagi mein shayad yeh ho naa paye phir ek najaan si umeed ki kiran angrai leti hai aur dil kehta hai is raat ki subha zaroor hogi magar kab yeh sawal abhi zere ghaur hai.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s