Mein Apne hi Sheher mein ajnabi kion hun (Ek Afsana/Urdu Sattire)

Yeh ek sawaal mujhe saal ha saal se tang kar raha hai ke akhir mein apne hi sheher mein ajnabi kion hun kia wajha hia ke mein jab bhi mushkil mein hota hun khud ko tanha paata hun? Mere apney bhi anjaan ho jatey hain aur apney hi sheher mein khud ko ajnabi dikhta hun. Kahin siyasi partion ke karkun lootney ajatey hain to kahin dhamkaney, rahi sahi kasar police waley poori kardetey hain jo aise tafteesh karetey hain jaise ap hi Osama Bin Laden ke chotey bhai aur jaanasheen hain.

Mere sheher ki galiyan mujh se aksar yeh sawal poochti hain ke kion mein yun muzmail sa chehra liye sochon mein gum bheer mein tanha ghum raha hun. Jidhar nigah dalo wohi khaufzada cheherey, wohi ghamzada ankhein wohi be-haya qehqahey, wohi zulm se chilati hui daro deewar. Har maa ki ankkhon mein anjaan sa dar, har larki ki ankhon mein bujhti hui umeed ki kiran. Jahez ki majboori se aati balon mein chandi aur haalat ki bhatti mein jhulazti hui khwahishein.

Phir meri nigaah ahle iqtedar par parti hai to dekhta hun oonchi imaaratein, barey barey mehl, jannat nazeer bagheechey, dilon mein munafiqat, zubaan par jhoot, ankhon mein suwar ka baal, chal mein firaun ki akar aur ird gird chamchon ka hujoom. Dilon mein jhaank kar dekha to pata chala yeh to hum se bhi ziada ghareeb hain, maloom hua ke gup andhera, pur khauf fiza, dil be qaraar, aulad ka gham, hukmarani chin janey ki dar kahin awam ke bikhar janey ka dar kahin yeh khauf ke koi maar na dey kahin yeh junoon ke paisa khatam naa ho jaye, iqtedar na chin jaye aur kahin hamarey bachey is aish o ishrat se mehroom na ho jain. Afsos yeh hai ke kahin bhi dhoondney ne se khaufe Khuda nahi mila. Libaas o andaaz ko dekh ke lagta hai qaroon, firaun aur shaddad bhi in ke samney bhikari hain. Karooron rupees ke gharian hain lekin aulad ke sath do ghari bitaney se mehroom hain. Sharab aur shabaab sar nigoon hath bandhey kahrey hain lekin rooh ko taskeen nahi hai. Jabro barbariat ki har had paar karli lekin phir bhi khali haath hain, hawas hai ke khatam nahi hoti aur tafakuraat hain ke kam nahin hotey har waqt khauf ka aalam. Pas aye kaash ke dil mein Nur E Khuda hota to yeh saarey khauf apne aap dam tor dete magar sirf nafsa nafsi hai aur kuch nahi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s