Eeman Mujhe Rokey Hai Jo Kheenchey hai Mujhe Kufr ! (urdu satire)

Ghalib ne kaha tha “Eeman mujhe rokey hai jo kheenchey hai mujhe kufr……Kaaba mere peechey kaleesa mere agey.” Ek roz sakht bukhar ki halat mein mujhe mere gharwalon ne khabar di keh mohalley mein kisi ka inteqal hogaya hai aur namaze janaza kuch der mein parhai jaye gi. Himmat na hotey hoey bhi apni adat se majboor mein ne koshish ki aur masjid ki su rawana hogaya. Ghunbe ghafeer dekh kar khushi hui ke aj Allah ke ghar ko musalmaan abad kar rahey hain. Ird gird buhut sari police ki cars khari thein mene unki taraf dehan na detey huey chup chap masjid ki taraf barhta gaya. Jab namaze janaza khatam hui to mein ne dekha keh ek khaas siyasi party ke rehnuma jok dar jok chaley arahey they. Un ke chehron ko media par baaraha dekh dekh kar ek khaas pehchan ho gayi hai lekin bil mushahfa dekh kar cherey se tapakti hui laanat e Ilahi saaf afshan thi. Ird gird be shumaar intelligence ke karidney aur sada libaas police ehelkar aur party ke kuttey bhi wahan mandla rahey they. Pehle to mein unhein marhooma ke rishtedaar samajh kar nazar andaz kar raha tha ke ramzan mein khuley aam ghutkon aur pan ki peek se labraiz monh, kathayi se rangey huey daant aur un par be hungam si moochein magar baad azan phitkaar dekh kar yeh ehsaas hua yeh to khaas siyasi jamaat ke karindey hain. Bahar nikaltey huey jab mein apne ek parosi se protocol ki wajha se diqqat ka izhar kar raha tha to barabar se guzartey huey ek shaks ne inkeshaaf kia yeh parosi jin ki walida ka inteqaal hua hai sindh assembly ke MPA reh chukey hain is hi wajha se yeh ghair maamooli protocol ki behayai bikhri hui hai. Mere dil ne be saakhta kaha keh mein to inhein buhut shareef log samajhta tha!! Thora aagey chaltey huey dekha ek sahib apni wehsiyana awaz mein chillaye aur boley “Abbey yeh janaza kahan le jarahey ho?” ghaur karney par pata chala ke poora majmaa ghalat simt jar aha tha, mayat gaari kahin aur thi aur log kisi aur janib janazey ke saath rawan dawwan they. Dekh kar kuch ziada hairani nahi hui kionkey yeh maamla to har jaga mamool ki baat hai ke jana tha Japan puhnch gaye cheen. Mayat gaarian road par tirchi khari thiein jaise police mobile khari ho aur road dono janib mukamal block tha. Is tamashae hayat ko dekh kar afsos hua aur is hi kamakash mein mein apne ghar ko lot gaya. Ek ajeeb si be itmenani hai kia mein ne yeh theek kia? Eik taraf farz e kifaya aur ek taraf mera zameer jo ab bhi mutmaeen nahi hai.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s