Ultra Modern Shohar aur Kuttey ka mawazna ( Ek mazahiya Iqtebaas Urdu)

Har mazhab o tehzeeb mein shohar ka bulund muqaam hai , Shohar ko kahin mijazi khuda to kahin parmeshwar to kahin life partner ka khitaab dia gaya hai magar sachai yeh hai ke aj ke shohar ki halat apni biwi ke peechey dum hilatey huey chalney waley dhobi ke kuttey ki ho gayi hai na ghar ka ghat ka. Haal hi mein mujhe DHA mein muqeem chand nau daulatmand ultra, modern shohron se milney aur unki halat-e-zaar dekhney ka takleefdeh iteffaq hua unki biwion ki Angrezi mein guftgu sun kar aisa maloom hota tha ke bechariaan 15 din se qabz mein mubtila hain. Style martey maartey munh terha hojata tha aur chehrey par pait ki maroor ke asraat numaya ho jatey they. Aj ke zamaney mein shohar aur kuttey mein koi farq nahi raha, biwiyan shohar se be hisaab bad sulooki karti hain un key maa bap ko zaleel karti hain, bhai behn ko be-izzat karti hain aur phir bhi shikwa hai ke hamarey shohar hum par zulm kartey hain. Jab baat shopping ki ho to aisa lagta hai ke dunya ka akhri din hai aur is ke baad kaprey aur makeup ka samaan nahi mileyga, phir bhi yeh dukh ke shohar kuch nahi kartey faqt tasbeeh ki tarha zubaan par rawan hota hai. Kia shohar ke gharwaley insaan nahi hotey ya phir yeh log bhool gaye hain keh eik din unki aulaad ke sath bhi yeh waqt asakta hai to us waqt ki karein gey jab who boorhey aur laachaar ho jayein gey aur unke bachey unkey naqshe qadam par chaltey huey unhein laat mar kar chaley jayein gey. Shohar sara din office mein boss ki galian sunta hai aur ghar ja kar biwi ke hathon zaleel hota hai aur kion? kion keh usey angreziat/modernization ka bhoot sawar hai.

Ek barey admi ke Kuttey se jab poocha gaya to us ney kaha ke mein to shohar nami jaanwar se ziada khush qismat hun, jo modern aurtein mujhe palti hain aksar galey lagatey hain apne pehlu mein bithaye rakhtey hain, nehlati hain, imported khana khilati hain aur meri phelayi hui gandagi bhi apne shohron se saaf karati hain, agar mein khana naa khaon ya ziada bhonk dun ko raat bhar meri dard rasai karti hain. Kuch der khamosh rehney ke baad Kuttey ne kaha “mujhe to kabhi kabhi afsos hota hai ke jis gaja shohar ko hona chaye wahan mein hun”. Yeh sun kar mujhe bhi buht dukh hua aur sochtey sochtey mein agey nikal gaya rastey mein ek sarak kinarey betha kutta munh latkaye betha tha, to mein ne yehi sawal us se poocha to woh qeh qahey maar kar hansney laga. Phele us ne mera shukriya ada kia aur kaha ke shayad tumhein qudrat ne meri dil joey ke liye bheja hai. Mein mahino se itna nahi hansa tha, Phir fakhria andaaz se kaha “mein kutta hun kisi ultra modern housewife ka shohar nahi”. Jab mein ne us se us ka nazarya poocha to kehnne laga “mein apni marzi se jeeta hun modern shohar ki halat to mujh se buht badtar hai woh to biwi ki ijazat ke baghair sar nahi utha sakta aur gali khaye baghair bathroom se nahi nikalt mein to un ki halat dekh kar shukar karta hun keh mein ek janwar hun tum logon ne to Ashraful maqlooqat ka naam dubu dia”.

Mein huqooq e niswan ya izzate sinf e nazuk ke khilaf nahi hun agar hun to insaan ke insaan na rehney ke khilaf hun. Akhir aisa kion hai ke insaan ko janwar aur janwar ko insaan ki tarha rakha ja raha hai. Zara sochiye!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s