Fashion ya bey Hayai? Faisla Aap ka!!!

Ibtada e waqt mein perahan tan chupaney ke liye hota tha lekin afsos keh aaj jism ki bey huda numaish ke liye kaprey pehney jatey hain. Kehne ko sar par hijab hota hai lekin kapron se jism ka ha ang numaya hona yaqeeni hai, garmi ki wajha se kapra patla hona bhi wajib ho chala hai. Ab to burkhey bhi designer atey hain jo jism se aise chipke rehtey hain jaise koi skin tight jeans. Bey hungam chaal, aur paaposh ka jaise koi exhibition chal raha ho upar se gumaan yeh hai ke hum pardah daar hain. Ek zamaney mein maulana amjad thanvi marhoom jumma ke khutbey mein kehte they keh “ek waqt aye ga ke deewaron par kaprey lagey hongey aur aurtein nangi ghoom rahi hongi.” Mujhe un ki baat aj sadiq hoti nazar ati hai aur dukh to yeh hai keh be hayai ko aj koi be hayai nahi samajhta sab usey modernization ka naam de kar aitaraaz karney walon ko Taliban ka haami ya phir backward mentality wala keh kar zaleel kar detey hain. Aj yeh haal hai ke barey barey darhi waley lawn aur kaprey ke istihar mein begahrati, uryani aur aurat ki hurmat ka karobar kar rahey hain. Advertising key naam ismat e zan bechi ja rahi hai. Muhalley mein tableeghi jamaat ke ameer ban kar darhi rakh kar logon ko deen ki dawat deney wale, khud ko haji sahib kehlwaney waley, aur logon ko Allah ki taraf bulaney aur unhein dars deney waley apne girebaan mein jhankney se qasir hain. Mein kisi fard e wahid ki baat nahi karta lekin agar log andhey ho kar ramzan transmissions mein aney waley logon par bharosa kar lein to yeh awam ka qusoor hai.

Fashion designers ki to kia hi baat hai jitna chota aur be huda libaas banaye utne hi ziada paise miltey hain. Kapra jitna transparent hoga, aasteen jitney kam hongey aur gala jitna khula hoga libaas utna hi mehnga aura ala tasawur kia jaye ga. Pehle zamaney mein nawab kothey par jaya kartey they aur un ki begumaat yeh soch kar chup ho jati thein keh thori der ko tharak mita kar chalo ghar to laut ayein gey. Magar aj to jaise misr ka bazaar e husn saja hua hai, har jaga transparent libaas zeb-e tan hain jis se khayalt ko kam takleef hoti hai. Har insaan gunah ko gunah na samajhney ki koshish mein masghool hai aur hama waqt kisi aisey fatwey ki talaash mein rehta hai jis mein usey apney gunah karney ki excuse mil jaye ya phir is qumaar mein ke zindagi buhut taweel hai abhi mazay karlo jab kisi qabil naa rahey ko dekh lein gey ke falsafey ko apna falsafa-e-hayat bana kar apney dil o zameer ko dhoka deta hai. Is mauqey par mujhe ek shagufa yad araha hai “ Ek larki deep neck pehn ka mandir gayi aur pandit ji ka ashirwad lene jhuki, to pandit ji kaha jeti raho beti aur gala chota pehna karo warna giyan aur dehan dono ki ……….. ho jati hai.”

Aj se 25 baras qabl jab mein advertising mein yeh tabdeeli mehsoos ki thi to aik buhut azeez dost se kaha tha “Aj adhi barhana aurat mukamal barhana aurat par sabqat leja rahi hai” lekin aj itne saal baad jab hum is hi baat par guftgu kar rahey they to mein ne apney ap ko review kia aur angrezi ka yeh maqula zehn mein goonj gaya “Very little left for imagination”. ( https://kashifmoten.wordpress.com/2015/06/22/advertising-or-emotional-blackmail-you-decide/)

Mujhe achi tarhayad hai ke PTV ki announcers/newscasters ke sar se duppata nahi hat tat ha aur aj yeh haal keh jab tak behuda libaas na ho screen shot nahi liya jata. Aj aurat apne jism ko istemaal karna koi ajeeb baat nahi samajhti balkeh usey ek commodity ki tarha istemaal ki ja raha hai aur libaas behcney waley is par naaz kartey hain ke aj unke takhleeq karda libaas se kis besharmi se aurat ka jism jahalk raha hai. Is duniya mein be shumaar munafiq to hain hi lekin mujhe aj bhi lagta hai keh shayad mujh jaise tang nazar aur backward log is duniya mein maujood hain jo is bey hayai par mautariz hongey. Magar afsos sab ki zubanein apni hawas ke jaal mein qaid hain.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s