Ek Dil jaley Pakistani Ki Dua

Aaj Ja namaz par beth kar mein ne kaha, Ya Allah mera tujh se ek haqeer sa sawal hai? Mein apna khoon pila kar, gadhey ki tarha subha se sham tak kaam karta hun keh apna aur apney gharwalon ka pet izzat se paal sakoon! Lekin dukh hota hai yeh dekh kar, doodh mein doodh kam pani ziada hota hai, Log sood financing ke naam par besharmi se bech rahey hain.Fashion ke naam par aurat ki haya bik rahi rahi hai rehnumai ke naam par sitaron ki chal bik rahi hai. Roohaniat ka libada aurhey kamzarf kaminey bethey huey tere kalaam ko bech rahey hain. Jaiz kaam karaney ko 500% rishwat deni parti hai aur jootey alag ghas jatey hain. Dawain jaali, doctor be imaan commission khor gharz wasela e shifa bhi buri tarha corrupt ho chuka hai.Sawari ke liye petrol chahye ho ya CNG, bhikarion ki tarha line mein lagey raho. Wuqat se ziada qeemat do aur phir bhi petrol poora nahi 20% chori. Industrialist rishwat de kar khuley aam be imaani karta hai, dhons jama kar bijli chori karta hai aur fatwa le kar khud ko mutmaeen kar leta hai. Dukandar tol mein chori karta hai, bijli chahey aye ya na aye bill baaraha lamba ata hai, pani par 18.5% qeemat barha di gai koi poochney wala nahi hai. Tanker mafia se karoron ki rishwat kha kar hamarey haq ka pani unhein dia jata hai ke who hamein char guna daam par bechein. Taalem ka hal yeh hai keh private school ki fees asmaan se batein kar rahi hai aur kitabein soney ke bhao milti hain jab keh aj kal MBA bhi secretary ki naukrion ko ro rahey hain. Tankhwa dar ki adhi tankhwa tax dene mein nikal jati hai aur jo bacha kucha hota hai woh mehngai aur jaiz zarooriat poora karney ko naa kafi hota hai. Rastey mein khari police ko dekh kar shareef admi pareshan ho jata hai. Hum ko aisey rokti hai ke zardari aur Nawaz Sharif ki saari daulat hum jeb mein liye phir rahey hain! Jis party ka dil chahta hai munh utha kar youm e soug ka elaan kardeti hai aur roz kamaney waley ka choolha thanda ho jata hai. Transport waley buses jalney ke dar se chup chapbethey rehtey hain. Mutawasr tabqey ka admi eke k paisa jor kar apney liye qabr ki zameen ke paisey ikatha karta hai keh marney ke baad wursa ko bheek na mangni parey. Adhi se ziada qaum peeney ke saaf pani ko taras rahi hai. Agar ghalti se kisi ka wasta adalat se par jaye to us ki do naslein to us hi mein nikal jati hain ke insaaf mileyga magar phir bhi woh ishasrat ko liye liye mar jata hai. Agar bahir jaien to hamari shaklein dekh kar dunya samajhti keh hum Osama Bin Laden ke khaloo hain. Hukumat pull aur metro bus mansubun par arbon rupaye kharch kar deti hai, ghareeb hospital mein ghurbat se dum tor deta hai. Agar kabhi biwi ki bakwas se fursat mil jaye to tv par siyasat dan aur naqideen jamhoriat ka manjan bechtey nazar atey hain. Imran Khan ho ya Tahirul Qadri sab apni dal pe roti khenchtey hain aur awam ko bewaqoof banatey hain.

Ya Ilahi Tu sab Jaanta hai! mera yeh sawaal hai ke akhir kab tak hum in khinzeer ke bachon ki ghulami kartey rahein gey, kab tak hum in choron ki chorian bhugat tey rahein gey, Akhir kab tak hum yun hi pistey raheingey? Agar kabhi sukoon meyesar hota hai to mehz tere zikr mein “Ya Allah yeh zindagi ek azab ban gayi hai, hamein is se nijaat Ata Farma. Apney pas bula le aur is takleef se rahat naseeb farma.”

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s