Qurbani Ke Janwaron Ki Shaista Guftgu (Urdu/Mazahiya Iqtebaas)

Shaista guftgu ab gohar e nayab ho chali hai. Janwar ki tarha baat karna aam aur janwaron ka apas mein bat karna sunney mein ajeeb lagti hai!! Kuch roz qabl mein ne kuch bakron aur guye ko apas mein bat kartey suna. Gaye ne barey fakhria magar nihayat muhazib andaz mein kaha, “mujhe to is malik ne poorey 5 lac mein kahreeda hai aur ab dekho kaisey badam pistey khila raha hai halan keh meri qeemat 1 lakh se ziada ki nahi thi ”. Is par dil jaley bakron ne jawab dia, “aapa hum bhi dhai dhai lakh ke hain koi kam nahi yeh alag bat hai keh agar koi 15 hazar bhi bolta to shayad malik de deta lekin usney to khud hi qeemat itni lagai hum heran reh gaye”. Yeh sun kar gaye ka munh utar gaya, phir thori der khamoshi rahi joon hi mein agey barhney laga to unka discussion phir jari ho gaya, itney muhazib andaz mein guftgu kar rahey they keh dil chaha un ko qurbani se pehle election larwa dun kam se kam hamari parliament mein gadhon ke sath koi to ba tehzeeb bhi hoga. Un ki guftgu jari thi keh ek bakrey ne kaha, “hamari kharidari ke liye banks special credit card aur loan schemes bhi shuru karney wali hain aur agli qurbani tak agar ishaq dar reh gaya to special tax bhi lagoo hoga”. Doosrey bakrey ne kahan “Insaan ne qurbani ko sunnat e ibrahimi nahi dikhawa bana lia hai, hamari numaish hoti hai aur logon ko hamari qeemat barha charha kar batai jati hai. Hum jhoot ko suntey rethey hain aur is ashraful maqlooqat ka tamasha dekh kar hanstey hain.” Un ki baton ne mujhe sochney par majboor kardia aur mujhe yeh ehsaas hua ke waqai Karachi mein bil khusoos guzishta kuch barson mein yeh tamasha barh gaya hai. Jab se nau dault mand haji market mein aye hain janwaron ki numaish fashion ban gayi hai. Log apney apney janwar ki unchi se unchi qeemat batatey hain aur logon ko janwar dekhney ki dawat dete hain. Ghareeb log to qareeb bhi nahi asaktey bas dur se salaam karkey is umeed par chaley jate hain ke shayad sahib ke ghar se kuch gosht mil jaye to apne bhookey bachon ka pait bhar sakein. Mutawasar tabqey ke log apney bachon ko nayab janwar dikhaney ar un ka dil behlaney ko le jatey hain. Barey log ek doosrey se agey barhney aur apni kibriai dikhaney ke liye hud se ziada mehnga janwar le kar atey aur logon par apna bharam jatatey hain. Jab ek janwar farosh se poocha to us ney bataya “hum tharparkar se aye hain wahan is janwar ki qeemat 7 hazar hai aur hum 15 hazar tak dene ko tayar they lekin jab Karachi ki mandi ka hal dekha to yahan to mela laga hua hai. Log apni families ke saath mehgney malboosat mein picnic mana ney aye hain!! Is tarha ke naa maqool aur bewaquf khareedar dekh kar hum ne apney janwar ki qeemat pachas hazar laga di aur us par mazay ki baat yeh hai keh adhey ghantey mein ek family ne akar khareed lia”. Khareedar family mein modern begum ne shohar se kaha “yeh to buhut cheap hai, kisi ko batana nahi society mein hamari izzat kam ho jaye gi”. Khalon ka bhi ajeeb maamla hai, siyasi jamatein khalein zabardasti le karhathyar aur maut ka samaan khareedti hain lekin koi kuch nahin kehta.

Dukh ki baat hai keh janwar ki itni ziada qeemat dena wajib nahi hai agar sahib e istadaad log qurbani ki wajibiat ko poora kartey huey israaf aur ryakari se parhez karein to lakhon ghareebon ke rozgar aur doosri ehm zarooriat ke liye buht sa paisa kharch ho sakta hai. Lekin afsos us sey logon ko dikhanay aur show marney ka mauqa nahi miley ga.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s